கலை அறிவியல், இன்ஜி., என, 22 கல்லுாரி அணிகள் களம் இறங்கியுள்ள போட்டியை, என்.ஜி.பி., நிறுவனங்களின் செயலாளர் தவமணி துவக்கிவைத்தார். முதல் போட்டியில், மதுரை யாதவா கல்லுாரி அணி, 2-0 என்ற செட் கணக்கில் எஸ்.என்.எஸ்., கலை அறிவியல் கல்லுாரியை வீழ்த்தியது.

தொடர்ந்து, அன்னை வேளாங்கண்ணி கல்லுாரி, 2-0 என்ற செட் கணக்கில் கே.எம்.சி.எச்., பார்மசி கல்லுாரி அணியை வென்றது. நிர்மலா மகளிர் கல்லுாரி அணி, 2-0 என்ற செட் கணக்கில் பி.எஸ்.ஜி., டெக் அணியையும், பி.கே.ஆர்., 'பி' அணி, 2-0 என்ற செட் கணக்கில் டாக்டர் என்.ஜி.பி., கலை அறிவியல் கல்லுாரி அணியையும், கே.ஐ.டி., அணி, 2-0 என்ற செட் கணக்கில் என்.ஜி.பி., ஐ.டெக்., அணியையும் வென்றன.

அன்னை வேளாங்கண்ணி அணி, 2-0 என்ற செட் கணக்கில் அவிநாசிலிங்கம் பல்கலை அணியையும், பாரதியார் பல்கலை, 2-0 என்ற செட் கணக்கில் கே.சி.டி., அணியையும், பி.கே.ஆர்., 'பி' அணி, 2-0 என்ற செட் கணக்கில் சேலம், சக்தி கைலாஷ் கல்லுாரியையும் வீழ்த்தின.

பி.கே.ஆர்., 'ஏ' அணி, 2-0 என்ற செட் கணக்கில் பாரதியார் பல்கலை அணியையும், யாதவா கல்லுாரி அணி, 2-0 என்ற செட் கணக்கில் அன்னை வேளாங்கண்ணி கல்லுாரி அணியையும், நிர்மலா கல்லுாரி அணி, 2-0 என்ற செட் கணக்கில் கே.பி.ஆர்., ஐ.டெக்., அணியையும் வென்றன. தொடர்ந்து, இன்று இறுதிப் போட்டிகள் நடக்கின்றன.