கோவையில், 29 தேர்வு மையங்களில், 70 பள்ளிகளைச் சேர்ந்த 5,000க்கும் மேற்பட்ட மாணவர்கள் 26 மையங்களில் தேர்வு எழுதினர். நேற்று வெளியான முடிவுகளின்படி, பெரும்பாலான பள்ளிகள் 100 சதவீத தேர்ச்சியைப் பெற்றுள்ளன.

n யுவபாரதி பள்ளியில், பிளஸ் 2 தேர்வில் 110 மாணவர்கள், பத்தாம் வகுப்பில் 127 மாணவர்கள் தேர்வுகளில் பங்கேற்று, நூறு சதவீத தேர்ச்சியைப் பெற்றுள்ளனர். பிளஸ் 2 தேர்வில் அதிகபட்சம் 490 மற்றும் பத்தாம் வகுப்பில் 495 மதிப்பெண்கள் பெறப்பட்டுள்ளன.

n சுகுணா பிப் பள்ளியில், பிளஸ் 2 தேர்வில் அதிகபட்ச மதிப்பெண் 490; பத்தாம் வகுப்பில் 494 எனப் பெறப்பட்டு, 100 சதவீத தேர்ச்சி அடைந்துள்ளது. பிளஸ் 2வில் கம்ப்யூட்டர் சயின்ஸ், இன்பர்மேட்டிவ் பிராக்டீஸ் உள்ளிட்ட பாடங்களில், 24 மாணவர்கள் 100 மதிப்பெண்கள் பெற்றுள்ளனர்.

n சந்திரகாந்தி பள்ளி, 10ம் வகுப்பு, பிளஸ் 2 தேர்வில் 100 சதவீத தேர்ச்சியை பெற்றுள்ளது. பிளஸ் 2வில் 492, பத்தாம் வகுப்பில் 494 முதல் மதிப்பெண்கள் பெற்றுள்ளனர்.

n நேஷனல் மாடல் பள்ளியில், பிளஸ் 2 தேர்வை எதிர்கொண்ட 142 மாணவர்களும் தேர்ச்சி பெற்று, 100 சதவீத தேர்ச்சி பதிவாகியுள்ளது.

n தி கேம்ப்போர்ட் சர்வதேச பள்ளியில், பொருளியல், உளவியல், வேதியியல், பிசினஸ் ஸ்டடீஸ், இன்பர்மேட்டிக் ப்ராக்டீஸ், கம்ப்யூட்டர் சயின்ஸ் போன்ற பாடங்களில் 9 மாணவர்கள் 100 மதிப்பெண்கள் பெற்றுள்ளனர்.

n என்.ஜி.பி.,பப்ளிக் பள்ளியில் பிளஸ் 2வில் 100 சதவீத தேர்ச்சியுடன், 90 மதிப்பெண்களுக்கு மேல் 26 சதவீத மாணவர்களும், 80 மதிப்பெண்களுக்கு மேல் 61 சதவீத மாணவர்களும் பெற்றுள்ளனர். அதேபோல், 10ம் வகுப்பில் 74 மாணவர்கள் தேர்வில் பங்கேற்றதில் அனைவரும் தேர்ச்சி பெற்றுள்ளனர்.