பணம் கேட்டு மிரட்டியவர் கைது

சொக்கம்புதுாரை சேர்ந்தவர் திவ்யேஷ், 28. அதே பகுதியை சேர்ந்தவர் பிரதாப், 26. அவரது நண்பர் நந்து, 26. இருவரும் போதையில் அடிக்கடி திவ்யேஷிடம் தகராறு செய்து வந்தனர். அவ்வப்போது, திவ்யேஷிடம் இருந்து பணம் பெற்று, மது குடித்து வந்தனர். கடந்த 13ம் தேதி இருவரும் மது குடிக்க திவ்யேஷிடம் பணம் கேட்டுள்ளனர். அவர் கொடுக்க மறுத்ததால், ஆத்திரத்தில் அவரை தகாத வார்த்தைகளால் திட்டி தாக்கினர். பின்னர், கத்தியை காட்டி மிரட்டி அங்கிருந்து தப்பி ஓடினர். சம்பவம் குறித்து செல்வபுரம் போலீசார் வழக்கு பதிவு செய்து, பிரதாப்பை கைது செய்து சிறையில் அடைத்தனர்.