கோவாவில் தேசிய இளைஞர் விளையாட்டு மற்றும் கல்வி கூட்டமைப்பு சார்பில், சர்வதேச சிலம்பம் போட்டி கடந்த இரு நாட்கள் நடந்தது. 1,000க்கும் மேற்பட்ட வீரர், வீராங்கனைகள் ஓபன் பிரிவில் பங்கேற்றனர். தமிழகத்தில் இருந்து, 250க்கும் மேற்பட்ட வீரர்கள் பங்கேற்ற நிலையில், கோவையை சேர்ந்த, 9 பேர் தங்க பதக்கங்கள் வென்றுள்ளனர்.

தனித்திறன் போட்டியில் சஞ்சனா, ரிஷ்வந்த், பாலகுமரன், ஸ்ரீகிரிசிவ், இளங்கதிர், ஹர்ஜித், ஸ்ருதி, லிங்கா, ரிஷிகேஸ் ஆகியோர் பதக்கங்கள் குவித்து, பெருமை சேர்த்துள்ளனர்.

இவர்கள் அனைவரும், 12 முதல், 25 வயதுக்குட்பட்டவர்கள் என்பது குறிப்பிடத்தக்கது. வெற்றி பெற்றவர்களை, சிலம்பம் பயிற்சியாளர் பிரதாப் பாராட்டினார்.