விபத்துகளில் இருவர் பலி கோவை: ஆவாரம்பாளையம் தெற்கு வீதியை சேர்ந்த அசோக்குமார்,31. ஐ.டி., நிறுவன ஊழியர். 21ம் தேதி இரவு, பீளமேடு டைடல் பார்க் ரோட்டில் பைக்கில் சென்றார். அரசு மருத்துவ கல்லுாரி காம்பவுண்ட் சுவரில் மோதி பலத்த காயமடைந்த அசோக்குமார் தனியார் மருத்துவமனையில் சேர்க்கப்பட்டு இறந்தார். கிழக்கு போக்குவரத்து புலனாய்வு போலீசார் விசாரிக்கின்றனர்.

* துடியலுார், வெள்ளக்கிணறு, பேஸ் 2 வை சேர்ந்தவர் ரோகித்,19. இவரது நண்பர்கள்  நிதின் மற்றும் ஜீசர் ரூபாஸ், 29, ஆகியோருடன் 24ம் தேதி பைக்கில் சென்றார். ஜீசர் பைக்கை  ஓட்டினார். என்.ஜி.ஜி.ஓ., காலனி ரோட்டில் வேகமாக சென்ற போது மின் கம்பத்தின் மீது பைக் மோதியது. ரோகித் உயிரிழந்தார். மேற்கு போக்குவரத்து புலனாய்வு போலீசார் விசாரிக்கின்றனர்.

3 கிலோ கஞ்சா பறிமுதல் வடகோவை: வடகோவை ரயில்வே ஸ்டேஷன் பகுதியில், சாய்பாபாகாலனி போலீசார் சோதனையில் ஈடுபட்டனர்.  சட்டவிரோதமாக கஞ்சா விற்ற பீகாரை சேர்ந்த இத்தேசாம்,29, மோகிம்,32, மேற்கு வங்கத்தை சேர்ந்த லாலு,26, சஜிபுல் பிஸ்வால்,22, பெர்டோஸ்,20,  ஆகியோரை கைது செய்தனர். அவர்களிடமிருந்து, மூன்று கிலோ கஞ்சா பறிமுதல் செய்யப்பட்டது.

திருடிய பெண்கள் கைது  மதுக்கரை: மேட்டாங்காட்டை சேர்ந்த சந்தியா, ஓணம் பண்டிகைக்கு துணி எடுக்க  டவுன்ஹால் சென்றார். நெரிசலை பயன்படுத்தி அவரது பேக் திருடப்பட்டது. புகாரின் பேரில் உக்கடம் போலீசார் விசாரித்து, பேக்கை திருடிய செட்டிபாளையம் காயத்ரி, 28, பழனியம்மாள், 20 ஆகியோரை கைது செய்தனர். அவர்களிடமிருந்து, ரூ.3,100 பறிமுதல் செய்யப்பட்டது.