'முதல்வர் கோப்பை' மாநில அளவிலான பளுதுாக்கும் போட்டி சென்னையில் நடந்தது. இதில், மாநிலத்தின், 38 மாவட்டங்களை சேர்ந்த வீரர், வீராங்கனைகள் ஏராளமானோர் பங்கேற்றனர். 17 வயதுக்குட்பட்ட பெண்கள் பிரிவில், அவிநாசி ரோட்டில் உள்ள சி.எஸ்.ஐ., பெண்கள் மேல்நிலைப் பள்ளியில் பிளஸ் 1 பயிலும் மாணவி சந்தியா வெண்கல பதக்கம் மற்றும் ரூ.50 ஆயிரம் பரிசுத்தொகை வென்று பெருமை சேர்த்துள்ளார்.

மாணவியை பள்ளி தாளாளர் ஜேஸ்மின், உதவி தலைமை ஆசிரியர் ராஜா ரமணி, உடற்கல்வி ஆசிரியர்கள் அனிதா, சுகிர்தா ஆகியோர் பாராட்டினர்.