கிணத்துக்கடவு தினசரி காய்கறி மார்க்கெட்டில், தக்காளி (15 கிலோ பெட்டி) -- 600 ரூபாய், தேங்காய் (ஒன்று) --- 35, கத்தரிக்காய் கிலோ --- 33, முருங்கைக்காய் --- 70, வெண்டைக்காய் --- 40, முள்ளங்கி --- 28, பூசணிக்காய் --- 10, அரசாணிக்காய் --- 10, பாவக்காய் --- 20, புடலை --- 45, சுரைக்காய் --- 30, பீர்க்கங்காய் --- 45, பீட்ரூட் -- 25, வெள்ளரிக்காய் --- 15, அவரைக்காய் மற்றும் பச்சை மிளகாய் -- 50 ரூபாய்க்கு விற்பனையானது.

கடந்த வாரத்தைக் காட்டிலும், தற்போது தக்காளி (15 கிலோ பெட்டி) --- 400, வெண்டைக்காய் - -- 15, புடலை மற்றும் பச்சை மிளகாய் -- 10, பீட்ரூட் -- 5 ரூபாய் விலை அதிகரித்துள்ளது.

இதே போன்று, தேங்காய் (ஒன்று), பூசணிக்காய், சுரைக்காய், பீர்க்கங்காய் மற்றும் வெள்ளரிக்காய் ஆகியவைகள் கிலோவுக்கு, 5 ரூபாயும், கத்தரிக்காய் --- 11, முள்ளங்கி --- 10, அரசாணிக்காய் --- 6, பாகற்காய் --- 20 ரூபாய் விலை குறைந்துள்ளது.

வியாபாரிகள் கூறுகையில், 'மார்க்கெட்டில், வழக்கத்தை விட காய்கள் வரத்து குறைவாகவே இருந்தது. இதனால் விலை உயரும் என விவசாயிகள் எதிர்பார்த்திருந்தனர். ஆனால் தக்காளி விலை மட்டும் உயர்ந்து காணப்பட்டது. மற்ற காய்கறிகள் விலையில், பெரிதாக மாற்றம் இல்லாமல், சில காய்கள் விலை குறைந்துள்ளது. வரும் நாட்களில் காய்கறிகள் விலை உயரும் என, விவசாயிகள் எதிர்பார்க்கின்றனர்,' என்றனர்.