'லீக்' மற்றும் 'நாக் அவுட்' முறையில் போட்டிகள் நடக்கின்றன. இதில், 'ஏ' மற்றும் 'பி' என இரு குழுக்களாக பிரிக்கப்பட்டு தலா நான்கு அணிகள் விளையாடுகின்றன. கடந்த, 12ம் தேதி நடந்த முதல் போட்டியில், ஸ்ரீ கிருஷ்ணா நிறுவனங்கள் அணியும், சூரியன் எப்.எம்., அணியும் மோதின.

முதலில் பேட்டிங் செய்த ஸ்ரீ கிருஷ்ணா அணியினர், 20 ஓவரில், 9 விக்கெட் இழப்புக்கு, 148 ரன்கள் எடுத்தனர். அடுத்து விளையாடிய சூரியன் எப்.எம்., அணியினர், 15.1 ஓவரில் இரு விக்கெட் இழப்புக்கு, 152 ரன்கள் எடுத்து வெற்றி பெற்றனர். அணி வீரர் சரவணன் அதிகபட்சம், 51 ரன்கள் விளாசினார்.

இரண்டாம் போட்டியில், தினமலர் நாளிதழ் அணியும், டிஜிட்டல் மீடியா கிரிக்கெட் கிளப் அணியும் மோதின. முதலில் பேட்டிங் செய்த தினமலர் நாளிதழ் அணியினர், 20 ஓவரில் ஐந்து விக்கெட் இழப்புக்கு, 216 ரன்கள் எடுத்தனர்.

வீரர்கள் பிரபு, 65 ரன்களும், விஜய், 77 ரன்களும் குவித்தனர். அடுத்து விளையாடிய டிஜிட்டல் மீடியா அணியினர், 20 ஓவரில் ஐந்து விக்கெட் இழப்புக்கு, 121 ரன்கள் மட்டுமே எடுத்தனர். தினமலர் அணியினர், 95 ரன்கள் வித்தியாசத்தில் வெற்றி பெற்றனர்.

இரண்டாம் நாள் முதல் போட்டியில், சூரியன் எப்.எம்., அணியும், தி நியூ இந்தியன் எக்ஸ்பிரஸ் அணியும் மோதின. முதலில் பேட்டிங் செய்த, தி நியூ இந்தியன் எக்ஸ்பிரஸ் அணியினர், 20 ஓவரில் அனைத்து விக்கெட்களையும் இழந்து, 83 ரன்கள் எடுத்தனர்.

சூரியன் எப்.எம்., அணியினரோ, 12 ஓவரில் நான்கு விக்கெட் இழப்புக்கு, 89 ரன்கள் எடுத்து வெற்றிபெற்றனர். அணி வீரர் சரவணன், 28 ரன்கள் எடுத்தார். இரண்டாம் போட்டியில் மீடியா லெவன் அணியும், தி டைம்ஸ் ஆப் இந்தியா அணியும் மோதின.

முதலில் பேட்டிங் செய்த மீடியா லெவன் அணியினர், 20 ஓவரில் ஆறு விக்கெட் இழப்புக்கு, 225 ரன்கள் எடுத்தனர். வீரர் அஜித், 83 ரன்கள் அதிகபட்சமாக விளாசினார். அடுத்து விளையாடிய, தி டைம்ஸ் ஆப் இந்தியா அணியினர், 20 ஓவரில் எட்டு விக்கெட் இழப்புக்கு, 116 ரன்கள் மட்டுமே எடுத்தனர்.