- விஜயகுமார், மதுக்கரை.

உடைந்த கால்வாய்

பி.என்.புதுார், 74வது வார்டு, சாஸ்திரி வீதி இரண்டில், சாக்கடை கால்வாயின் ஸ்லாப் உடைந்துள்ளது. புதர்மண்டி இருப்பதுடன், சாக்கடை கால்வாயும் சரிவர சுத்தம் செய்யவில்லை. கழிவுநீரும் தேங்கி நிற்பதால் குடியிருப்பு பகுதியில் கடும் துர்நாற்றம் வீசுகிறது.

- குணசேகரன், பி.என்.,புதுார்.

சாக்கடை அடைப்பு

கோவை மாநகராட்சி, 27வது வார்டு, பீளமேடு, துரைசாமி லே-அவுட்டில், பாதாள சாக்கடை கால்வாயில் சாக்கடை அடைப்பு ஏற்பட்டுள்ளது. கடந்த ஆறு மாதங்களாக கழிவுநீர் தேங்கி, கடும் துர்நாற்றம் வீசுகிறது. இதனால், இப்பகுதியில் கொசு தொல்லையும் அதிகமாக உள்ளது.

- வெங்கடபதி, பீளமேடு.

உபகரணங்கள் பழுது

தடாகம் ரோடு, முத்தண்ணன் குளத்தில், ஸ்மார்ட் சிட்டி திட்டத்தின் கீழ் அமைக்கப்பட்ட பூங்காவில் விளையாட்டு உபகரணங்கள் பழுதடைந்துள்ளது. பூங்காவிற்கு வரும் குழந்தைகள் விளையாடும் போது விழுவதற்கும், காயம்படுவதற்கும் வாய்ப்புள்ளது.

- கோபாலகிருஷ்ணன், தடாகம் ரோடு.

தெருவிளக்கு பழுது

விளாங்குறிச்சி, ஐந்தாவது வார்டு, ரத்தினகிரி நகர், டி நகர் விரிவாக்கத்தில், ' எஸ்.பி - 3 பி-6' என்ற எண் கொண்ட கம்பத்தில் இரண்டு வாரங்களுக்கு மேலாக தெருவிளக்கு எரியவில்லை. இதுகுறித்து மின்வாரிய அதிகாரிகளிடம் பலமுறை புகார் தெரிவித்தும் நடவடிக்கை யில்லை.

- கார்த்திக், விளாங்குறிச்சி.

இருளால் பாதுகாப்பில்லை

கோவை மகாநராட்சி, 49வது வார்டு, பொங்காளியூர், பாலு கார்டன் பகுதியில், கடந்த ஒரு மாதமாக தெருவிளக்கு எரியவில்லை. இருள் காரணமாக இரவு நேரங்களில் பாதுகாப்பற்ற சூழல் நிலவுகிறது. பணி முடிந்து வீட்டுக்கு திரும்பும் பெண்களுக்கு பாதுகாப்பற்ற சூழல் நிலவுகிறது.

- கோமதி, பாலுகார்டன்.

குளமாக மாறும் சாலை

ராம்நகர், 67வது வார்டில் ஒவ்வொரு முறை மழை பெய்யும்போதும் சாலையில் குளம் போல மழைநீர் தேங்குகிறது. மழை நின்றாலும், பல நாட்களுக்கு சேறும், தண்ணீருமாக சாலை இருக்கிறது. நடந்து செல்லவும், வாகனங்களை இயக்கவும மிகவும் சிரமமாக உள்ளது.

- சிவக்குமார், ராம்நகர்.

கால்வாயை துார்வாரணும்

டவுன்ஹால், கூட் செட் ரோடு, கோவை தலைமை தபால்நிலையம் அருகே கால்வாய் துார்வாரமல் உள்ளது. கால்வாயில் இரு ஓரங்களிலும் அடர்த்தியாக புதர் செடிகள் வளர்ந்துள்ளன. பிளாஸ்டிக் குப்பைகள் ஆங்காங்கே கால்வாயில் அடைத்து நிற்கிறது.

- சிவபிரகாஷ், டவுன்ஹால்.

அபாயகரமான குழிகள்

வடவள்ளி - தொண்டாமுத்துார் ரோட்டில், பாரம்பரியம் ஓட்டல் முதல் பேரூர் ரோடு சந்திப்பு வரை, சாலை விரிவாக்கத்திற்காக தோண்டப்பட்ட பள்ளத்தை சீரமைக்கவில்லை. பாதுகாப்பிற்காக தடுப்புகளும் அமைக்கப்படவில்லை. அபாயகரமான குழிகளால் இருசக்கர வாகன ஓட்டிகள் விபத்தில் சிக்குவதற்கு வாய்ப்புள்ளது.

- சுரேஷ்குமார், வடவள்ளி.

மிரட்டும் நாய்கள்

வெள்ளலுார், பட்டணம் பகுதியில் உள்ள காவேரி நகரில் அதிகளவு தெருநாய்கள் சுற்றுகின்றன. சாலையில் நடந்து செல்வோரை மிரட்டி அச்சுறுத்துகின்றன. குழந்தைகளை நாய்கள் கடிக்கும் சம்பவங்களும் அதிகரித்துள்ளது. இரவு நேரங்களில் பைக்கில் செல்வோரை துரத்தி கீழே விழ வைக்கின்றன.

- நாராயணன், காவேரி நகர்.