கோவை சர்வதேச விமான நிலையத்துக்கு, 11,12ம் தேதிகளில், ஐக்கிய அரபு எமிரேட்ஸ் நாடுகளின் ஷார்ஜா நகரில் இருந்து வந்த பயணியரின் உடைமைகளை சுங்கத்துறை அதிகாரிகள் சோதனை செய்தனர்.

அதில், 11 பயணியர் உடைமைகளில் மறைத்து, சிகரெட்டுகள், இ - சிகரெட்டுகள், மொபைல் போன்கள் கடத்தி வந்தது தெரிந்தது. அவற்றை பறிமுதல் செய்த அதிகாரிகள் விசாரிக்கின்றனர்.

பயணியரிடம் இருந்து, 3.48 லட்சம் சிகரெட்டுகள், 895 இ - சிகரெட்டுகள், நான்கு மொபைல் போன்கள் என, 65.99 லட்சம் ரூபாய் மதிப்பிலான பொருட்கள் பறிமுதல் செய்யப்பட்டன.