அப்போது, எதிர்பாராத விதமாக புதருக்குள் இருந்த ஒற்றைக் காட்டு யானை, அவர்களை துரத்தியது. இதில், முருகன், சகாயம், சதீஷ் ஆகிய மூவரும் ஒரே திசையில் ஓடி, அட்டுக்கல் கிராமத்தை அடைந்தனர். வெகுநேரமாகியும், மருதாச்சலம் வரவில்லை. இதனையடுத்து, வனத்துறையினருக்கு தகவல் தெரிவித்தனர்.

நள்ளிரவு நேரமானதால், வனத்திற்குள் சென்று தேட முடியாமல், நேற்று காலை, தேடினர். அப்போது, காட்டு யானை தாக்கி, உயிரிழந்த நிலையில், மருதாச்சலம் சடலமாக கிடப்பதை கண்டனர். இதனையடுத்து, சடலத்தை மீட்டு பிரேத பரிசோதனைக்காக கோவை அரசு மருத்துவமனைக்கு அனுப்பி வைத்தனர்.