அன்னுார்; கோவை-சத்தி தேசிய நெடுஞ்சாலையில், 25 ஆண்டுகளாக கடும் போக்குவரத்து நெரிசல் உள்ளது. இதற்கு தீர்வாக, சரவணம்பட்டி அடுத்த குரும்பபாளையம் துவங்கி கோவில்பாளையம், அன்னுார், புளியம்பட்டி, சத்தி வழியாக, கர்நாடகா எல்லை வரை நான்கு வழி பசுமைவழிச் சாலை அமைக்க நிலம் கையகப்படுத்தும் பணி துவங்கி உள்ளது. இதற்காக நில உரிமையாளர்களுக்கு 3ஏ நோட்டீஸ் வழங்கும் பணி துவங்கி உள்ளது. அன்னுார் சத்தி சாலையில் ஈரோடு மாவட்டத்தை சேர்ந்த கோண மூலை கிராமத்தில் தேசிய நெடுஞ்சாலைத் துறையைச் சேர்ந்த சர்வேயர் மற்றும் அதிகாரிகள் நில அளவீடு செய்ய நேற்று காலை வந்தனர்.