சிறுமுகை பேரூராட்சியில், 18 வார்டுகள் உள்ளன. இதில் தூய்மை பணியாளர்கள், அலுவலக பணியாளர்கள் என, 74 பேர் பணியாற்றுகின்றனர். இவர்களுக்கு முழு உடல் பரிசோதனை சிறப்பு மருத்துவ முகாம், முத்துசாமி திருமண மண்டபத்தில் நடந்தது.

பேரூராட்சி செயல் அலுவலர் ரவிசங்கர் தலைமை வைத்தார். தலைவர் மாலதி உதயகுமார் முகாமை துவக்கி வைத்தார். பணியாளர்களுக்கு கே.எம்.சி.ஹெச்., மருத்துவமனை மருத்துவ குழுவினர், முழு உடல் பரிசோதனை செய்தனர். அகர்வால் கண் மருத்துவமனை மருத்துவ குழுவினர், கண் பரிசோதனை செய்தனர்.

முகாமில் மொத்தமாக, 74 பணியாளர்களுக்கு, ரத்த பரிசோதனை, ரத்தத்தில் சர்க்கரை அளவு, இ.சி.ஜி., எடுத்தல் உள்ளிட்ட பரிசோதனை செய்தனர். சுகாதார ஆய்வாளர் சொக்கநாதன் முகாம் ஏற்பாடுகளை செய்திருந்தார்.