ஆர்ப்பாட்டத்துக்கு, மாவட்ட தலைவர் முருகன் தலைமை வகித்தார்.பழங்குடி மற்றும் ஆதிதிராவிடர் மக்களுக்கான துணைத் திட்டத்துக்கு ஒதுக்கப்படும் நிதி, 10 ஆண்டுகளாக படிப்படியாக குறைக்கப்பட்டு வருகிறது. பட்டியல் இன மக்களின் மக்கள் தொகை பெருக்கத்துக்கு ஏற்ப, ஆண்டுதோறும் திட்ட நிதியை உயர்த்தி ஒதுக்கீடு செய்ய வேண்டும்.

பட்டியல் இன மக்களுக்கு ஒதுக்கப்படும் நிதியை, வேறு திட்டங்களுக்கு மடைமாற்றம் செய்யக்கூடாது. ஒதுக்கப்படும் நலநிதியை முழுமையாக செலவழிக்காமல் திருப்பி அனுப்புவதை கைவிட வேண்டும் என்பன உள்ளிட்ட கோரிக்கைகள், ஆர்ப்பாட்டத்தில் வலியுறுத்தப்பட்டன.

இதில் மாவட்டச் செயலாளர் அஸ்ரப் அலி, புருசோத்தமன், ஒடுக்கப்பட்டோர் வாழ்வுரிமை இயக்கத்தின் நிர்வாகிகள் ரவிக்குமார், செல்வராஜ், மவுனசாமி,செல்வராஜ், ஜீவா, சபாபதி, செல்வராஜ், ஜீவானந்தம், குழந்தைவேல் இ.கம்யூ., கிழக்கு மண்டல செயலாளர் சண்முகம், இலக்கியப் பெருமன்றம் மாவட்ட செயலாளர் ரமணி உள்ளிட்டோர் பங்கேற்றனர்.