மேட்டுப்பாளையம்: மத்திய அரசின் திடக்கழிவு மேலாண்மை திட்டத்தின் கீழ், குப்பைகளை நான்கு வகைகளாக, தரம் பிரித்து வழங்குவது குறித்து, மேட்டுப்பாளையம் நகராட்சியில் பொதுமக்களுக்கு விழிப்புணர்வு ஏற்படுத்தும் நிகழ்ச்சிகள் நடைபெற்று வருகின்றன. மேட்டுப்பாளையம் நகராட்சியில் உள்ள, 33 வார்டுகளில், 25 ஆயிரத்துக்கு மேற்பட்ட வீடுகள் உள்ளன. சுமார் ஒரு லட்சம் மக்கள் வசிக்கின்றனர். மக்களுக்கு குப்பைகளை நான்கு வகைகளாக, தரம் பிரித்து வழங்குவது குறித்து, நகராட்சி நிர்வாகம் செயல் விளக்கம் செய்து வருகிறது. இரண்டாவது வார்டு, பாலாஜி நகரில், நகராட்சி கமிஷனர் அமுதா, தூய்மை பணியாளர்கள் குப்பைகளை எவ்வாறு வாங்குகின்றனர். பொதுமக்கள் எவ்வாறு தரம் பிரித்து வழங்குகின்றனர், என்பது குறித்து, ஆய்வு செய்தார்.