இத்திட்டத்தின் பெயரை பயன்படுத்தி, சிலர் மோசடியில் ஈடுபட்டு வருகின்றனர். சமீபகாலமாக, பொது மக்களை தொடர்பு கொண்டு பேசும் மோசடி நபர்கள், முத்ரா லோன் பெற்று தருவதாக கூறுகின்றனர்.

விருப்பமுள்ளவர்களிடம் இருந்து ஆதார், பான்கார்டு பெற்றுக்கொள்கின்றனர். பின்னர், லோன் பெற கமிஷன் கொடுக்க வேண்டும் எனக் கூறி, பணம் கேட்கின்றனர். பணம் பெற்றுக்கொண்ட பிறகு, கடன் பெற்று தருவதில்லை.

கோவையில் தற்போது இந்த மோசடியால், பலர் பாதிக்கப்படுகின்றனர். சில வாரங்களுக்கு முன், பெண் ஒருவரை தொடர்பு கொண்டு பேசிய மோசடி நபர், ரூ. 5 லட்சம் முத்ரா கடன் பெற்று தருவதாக கூறியுள்ளார்.

இதையடுத்து, அப்பெண்ணிடம் ரூ. 1 லட்சம் கமிஷன் பெற்றுக்கொண்டார். தொடர்ந்து அவருக்கு ரூ. 1 கோடி வரை பெற்றுத்தருகிறேன் எனக்கூறி, சுமார், ரூ. 8 லட்சம் வரை மோசடி செய்துள்ளார். சைபர் கிரைம் போலீசார் விசாரிக்கின்றனர்.

சைபர் கிரைம் போலீசார் கூறுகையில், 'நம்மிடம் பணம் பெற்றுக்கொண்டு கடன் பெற்று தருகிறோம் என கூறினால், அது மோசடி என்பதை உறுதி படுத்திக்கொள்ள வேண்டும். மக்கள் விழிப்புடன் இருக்க வேண்டும்' என்றனர்.