பொள்ளாச்சி அருகே உள்ள ஆத்துப்பொள்ளாச்சி தனியார் தங்கும் விடுதியில், நேற்று முன் தினம் நள்ளிரவு நேரத்தில் மலைப்பாம்பு தென்பட்டது. இதைக்கண்ட மக்கள் சிலர் அதிர்ச்சி அடைந்து, பொள்ளாச்சி வனத்துறையினருக்கு தகவல் தெரிவித்தனர்.

சம்பவ இடத்திற்கு வந்த வனத்துறையினர், 9 அடி நீளமுள்ள மலைப்பாம்பை பிடித்து சென்றனர்.

வனத்துறையினர் கூறுகையில், ‘மலைப்பாம்பு தகவல் கிடைத்ததை தொடர்ந்து, விரைவாக சென்று யாருக்கும் பாதிப்பு ஏற்படாத வகையில் பாம்பு பிடிக்கப்பட்டது. இது ஆழியார் பகுதியில் உள்ள அடர்ந்த வனப்பகுதியில் விடப்பட்டது,’ என்றனர்.