அடுத்தடுத்து பண்டிகைகள் வருவதால், பட்டு நெசவாளர்கள் மத்தியில் பட்டு நுால் தேவை அதிகரித்துள்ளது. இதனால், பட்டுக்கூடு விலை உயர்ந்துள்ளது. நேற்று, தரமான பட்டுக்கூடு ஒரு கிலோ, 681 ரூபாய்க்கும், அடுத்த தரம் 415 ரூபாய்க்கும் விற்பனையாகின. பட்டு நுால் மார்க்கெட்டில் ஒரு கிலோ, 4,891 ரூபாய்க்கு விற்பனையாகிறது.

பட்டு அங்காடி அதிகாரிகள் கூறுகையில், 'பண்டிகை காலத்தில் பட்டு நுால் தேவை அதிகரித்து விலை உயர்வது வழக்கம். பண்டிகைகள் வருவதால், நுாலுக்கு தேவை உள்ளது. சீதோஷ்ண நிலை நன்றாக இருப்பதால், பட்டுக்கூடு உற்பத்தி அதிகரித்துள்ளது. பட்டுக்கூடுக்கு மேலும் விலை அதிகரிக்க வாய்ப்பு இருப்பதால், விவசாயிகள் மகிழ்ச்சி அடைந்துள்ளனர்' என்றனர்.