மாவட்ட ஹாக்கி சங்கம் சார்பில் நடந்த, 'லீக்' மற்றும் 'நாக் அவுட்' முறையிலான இப்போட்டிகளை, இந்துஸ்தான் கல்வி நிறுவனங்களின் செயலாளர் சரஸ்வதி கண்ணையன் துவக்கி வைத்தார்.

முதல் அரையிறுதியில், மதுரை எஸ்.டி.ஏ.டி., விளையாட்டு விடுதி அணி, 3-2 என்ற கோல் கணக்கில் மதுரை இந்திரா காந்தி பள்ளி அணியை வென்று, இறுதி போட்டிக்கு தகுதி பெற்றது.

இரண்டாம் அரையிறுதியில், ஈரோடு புளியம்பட்டி அரசு மேல்நிலைப்பள்ளி அணி, 2-0 என்ற கோல் கணக்கில் ஊட்டி அரசு மேல்நிலைப்பள்ளி அணியை வீழ்த்தியது.

இறுதி போட்டியில், மதுரை எஸ்.டி.ஏ.டி., மாணவர் விடுதி அணி, 5-1 என்ற கோல் கணக்கில் ஈரோடு புளியம்பட்டி அரசு மேல்நிலைப்பள்ளி அணியை வென்றது.

மூன்று மற்றும் நான்காம் இடத்துக்கான போட்டியில், மதுரை இந்திராகாந்தி பள்ளி அணி, 5-0 என்ற கோல்களில், ஊட்டி அரசு மேல்நிலைப்பள்ளி அணியை வென்று மூன்றாம் இடம் பிடித்தது.

வெற்றி பெற்ற அணிகளுக்கு, ஹாக்கி சங்க செயலாளர் செந்தில் ராஜ்குமார் பரிசு வழங்கினார். கல்லுாரி உடற்கல்வி இயக்குனர் ரவிக்குமார் உள்ளிட்டோர் உடனிருந்தனர்.