சூலுார் அரசு பெண்கள் மேல்நிலை பள்ளியில் படிக்கும், 12ம் வகுப்பு மாணவி ஹனிஷ்கா, 11ம் வகுப்பு மாணவி சாதனா ஆகியோர், 17 வயதுக்கு உட்பட்ட, தமிழக பெண்கள் கபடி அணியில் பங்கேற்று விளையாட தேர்வு பெற்றிருந்தனர். மத்திய பிரதேச மாநிலம் நரசிங்பூரில் நடந்த தேசிய அளவிலான கபடி போட்டியில், தமிழக அணிக்காக இருவரும் விளையாடினர். அதில், தமிழக அணி வெள்ளி பதக்கம் வென்றது.

வெள்ளி பதக்கம் வென்ற இரு மாணவிகளை, பள்ளி தலைமையாசிரியர் கீதா, ஆசிரியைகள் மற்றும் பயிற்சியாளர்கள், பொதுமக்கள் பாராட்டினர்.