பொன்னேகவுண்டன்புதூரில், பச்சாபாளையம் சாலையில் செல்வ விநாயகர் கோவில் கட்டப்பட்டுள்ளது. இங்கு கோபுரம், விமானம், கருவறை ஆகியவை அமைக்கப்பட்டு, தட்சிணாமூர்த்தி, மகாவிஷ்ணு, துர்க்கை அம்மன் ஆகிய பரிவார தெய்வங்களுக்கும் சன்னதிகள் அமைக்கப்பட்டு, சிற்பங்கள் நிறுவப்பட்டுள்ளன.

திருப்பணிகள் முடிந்ததை அடுத்து, கும்பாபிஷேக விழா, வரும் 14-ம் தேதி மாலை பிள்ளையார் வழிபாடுடன் துவங்குகிறது. இரவு திருவிளக்கு வழிபாடு, கோபுர விமான கலசங்கள் நிறுவுதல், 108 வகையான மூலிகைப் பொருட்களை சமர்ப்பித்தல், எண் வகை மருந்து சாத்துதல் நடக்கிறது.

வரும் 15-ம் தேதி அதிகாலையில் இரண்டாம் கால வேள்வி பூஜையும், காலை 9.10 மணிக்கு, கோபுரங்கள், விமான கலசங்கள் மற்றும் மூலமூர்த்திகளுக்கு, புனித நீரூற்றி கும்பாபிஷேகம் செய்யப்படுகிறது. இதையடுத்து, மகாபிஷேகம், அலங்கார பூஜை, பேரொளி வழிபாடு நடக்கிறது.