நெகமம், செட்டியக்காபாளையம், மாகாளியம்மன் கோவிலில் நேற்று முன்தினம், நோன்பு சாட்டப்பட்டது. நேற்று முதல், வரும் 11ம் தேதி வரை தினசரி காலையில், சுவாமிக்கு சிறப்பு பூஜை நடக்கிறது.

12ம் தேதி, மாலை 5:00 மணிக்கு, அம்மன் அழைக்கும் நிகழ்ச்சி மற்றும் பூவோடு எடுக்கும் நிகழ்வு நடக்கிறது. இரவு 10:00 மணிக்கு, பெருமாள் கோவிலில் இருந்து அம்மனுக்கு சீர் வரிசை கொண்டு வரப்படுகிறது. 13ம் தேதி, காலை 5:00 மணிக்கு, அம்மனுக்கு திருக்கல்யாண உற்சவம் மற்றும் மாவிளக்கு வழிபாடு நடக்கிறது. காலை, 8:00 மணிக்கு, அம்மனுக்கு சிறப்புஅலங்கார பூஜைகள் நடக்கிறது.

15ம் தேதி, காலை 7:00 மணிக்கு, அம்மன் சப்பரத்தில் திருவீதி உலா, மஞ்சள் நீராடுதல், முளைப்பாரி எடுத்தல், கும்மி அடித்தல் போன்ற நிகழ்ச்சி நடக்கிறது. அன்று மதியம், 12:00 மணிக்கு, அம்மனுக்கு கனி வகைகள் கொண்டு சிறப்பு அபிஷேகம், சிறப்பு அலங்கார பூஜை நடக்கிறது.