வால்பாறை, வாழைத்தோட்டம் ஐயப்ப சுவாமி கோவில், 65ம் ஆண்டு மண்டல பூஜை திருவிழா, நாளை, 11ம் தேதி மாலை, 6:00 மணிக்கு கொடியேற்றத்துடன் துவங்குகிறது. வரும், 13ம் தேதி மாலை, 4:30 மணிக்கு திருவிளக்கு பூஜையும், 6:30 மணிக்கு தீபாராதனை, இரவு, 7:00 மணிக்கு சீவேலி பூஜை நடக்கிறது.

வரும், 14ம் தேதி காலை, 5:30 மணிக்கு நடைதிறக்கப்பட்டு, 6:00 மணிக்கு கணபதி பூஜையும், 6:15 மணிக்கு உஷபூஜையும் நடக்கிறது. காலை, 11:00 மணிக்கு அன்னதானம் வழங்கும் விழா நடக்கிறது. மாலை, 3:00 மணிக்கு ஸ்டேன்மோர் ரோடு ராஜிவ்காந்திநகர் மாரியம்மன் திருக்கோவிலில் இருந்து, ஐயப்ப பக்தர்கள் பாலகொம்பு எடுத்து, நகரின் முக்கிய வீதி வழியாக கோவிலை வந்தடைகின்றனர்.

வரும், 15ம் தேதி மாலை, 3:15 மணிக்கு அலங்கரிக்கப்பட்ட தேரில் சுவாமி ஐயப்பன் எழுந்தருளி திருவீதி உலா சென்று பக்தர்களுக்கு அருள்பாலிக்கிறார்.

இதற்கான ஏற்பாடுகளை விழா கமிட்டியினர் செய்து வருகின்றனர்.