தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/உள்ளூர் செய்திகள்/கோயம்புத்தூர்/ சாலையோரம் 'கண்டம்' பொதுமக்கள் கண்டனம்

 சாலையோரம் 'கண்டம்' பொதுமக்கள் கண்டனம்

 சாலையோரம் 'கண்டம்' பொதுமக்கள் கண்டனம்


ADDED : செப் 21, 2026 03:23 AM

Follow on GoogleFavourite on Google

ADDED : செப் 21, 2026 03:23 AM


Follow on Google
Latest Tamil News
அ நிறம் | அளவு

மேட்டுப்பாளையம்: மேட்டுப்பாளையம் -- சிறுமுகை சாலையோரம், ஆக்கிரமித்து நிறுத்தி வைக்கப்பட்டுள்ள பழைய உடைந்த வாகனங்களால், போக்குவரத்து நெரிசல் ஏற்படுகிறது; பொதுமக்களுக்கான சிரமமும் அதிகரித்துள்ளது.

மேட்டுப்பாளையம் -- சிறுமுகை சாலையில், சங்கர் நகர் பகுதியில், பழைய இரும்பு மற்றும் கார், லாரி உள்ளிட்ட வாகனங்களின் உதிரி பாகங்கள் விற்பனை மார்க்கெட் உள்ளது.

இங்கு 250க்கும் மேற்பட்ட கடைகள் உள்ள நிலையில், அருகில் உள்ள சிராஜ் நகர், எல்.ஐ.சி., காலனி உள்ளிட்ட பகுதிகளிலும் கடைகள் உள்ளன. மார்க்கெட்டுக்கு வரும் பழைய மற்றும் விபத்தில் சிக்கிய வாகனங்களில் இருந்து உதிரி பாகங்கள் உடைத்து எடுக்கப்படுகின்றன.

இதற்காக சிலர் வாகனங்களை சாலையோரம் ஆக்கிரமித்து வைத்துள்ளனர். இதனால், சாலையோரம் நடந்து செல்லும் பாதசாரிகள் மற்றும் வாகனங்களுக்கு இடையூறு ஏற்பட்டு, போக்குவரத்து நெரிசல் ஏற்படுகிறது.

மேட்டுப்பாளையம் நகராட்சி தலைவர் மெஹரிபா பர்வின் கூறுகையில், ''பொதுமக்கள் நலன் கருதி, நகராட்சிக்கு உட்பட்ட பகுதிகளில் ஆக்கிரமிப்புகளை அகற்ற அதிகாரிகளுக்கு அறிவுறுத்தப்பட்டுள்ளது.

சங்கர் நகர் உள்ளிட்ட பகுதிகளில் சாலையோரம் நிறுத்தி வைக்கப்பட்டுள்ள உடைந்த வாகனங்களை அகற்ற அதன் உரிமையாளர்களுக்கு நகராட்சி சார்பில் உத்தரவிடப்பட்டுள்ளது,'' என்றார்.---

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us