கிணத்துக்கடவு, தினசரி மார்க்கெட்டில் நேற்று தக்காளி (15 கிலோ பெட்டி) - 150, தேங்காய் (ஒன்று) - 37, கத்தரிக்காய் (ஒரு கிலோ) - 17, முருங்கைக்காய் - 15, வெண்டைக்காய் - 35, முள்ளங்கி - 18, வெள்ளரிக்காய் - 15, பூசணிக்காய் - 5, அரசாணிக்காய் - 8, பாகற்காய் - 35, புடலை - 15, சுரைக்காய் - 15, பீக்கங்காய் - 25, பீட்ரூட் - 15, அவரைக்காய் - 50, பச்சை மிளகாய் - 25 ரூபாய்க்கு விற்பனை செய்யப்பட்டது.

கடந்த வாரத்தை விட தற்போது வெண்டைக்காய், வெள்ளரிக்காய், பாகற்காய் போன்றவை 5 ரூபாயும், புடலை மற்றும் பீக்கங்காய் 15 ரூபாயும், பூசணிக்காய் - 3 ரூபாய் விலை குறைந்துள்ளது.

இதேபோன்று, தேங்காய் - 2, முள்ளங்கி - 3, பச்சை மிளகாய் - 5 ரூபாய் விலை அதிகரித்துள்ளது.

வியாபாரிகள் கூறியதாவது: நேற்று மார்க்கெட்டில், பெரும்பாலான காய்கள் விலை குறைந்து காணப்பட்டது. குறிப்பாக பூசணிக்காய் விலை ஒரு கிலோ 5 ரூபாய்க்கு விற்பனையானது.

வெயில் தாக்கம் அதிகரிப்பால் காய்கள் வரத்தும் கடந்த இரண்டு வாரமாக ஒரே அளவு இருந்தது மற்றும் காய்கள் விலையும் குறைந்து வருகிறது. வரும் நாட்களில் விலை அதிகரிக்கும் என விவசாயிகள் எதிர்பார்க்கின்றனர்.

இவ்வாறு, தெரிவித்தனர்.