தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/உள்ளூர் செய்திகள்/கோயம்புத்தூர்/மழைநீர் வடிகால் பணி 94 சதவீதம் ஓவர்

மழைநீர் வடிகால் பணி 94 சதவீதம் ஓவர்

மழைநீர் வடிகால் பணி 94 சதவீதம் ஓவர்


UPDATED : நவ 13, 2026 07:31 PM

ADDED : நவ 13, 2026 07:28 PM

Follow on GoogleFavourite on Google

UPDATED : நவ 13, 2026 07:31 PM ADDED : நவ 13, 2026 07:28 PM


Follow on Google
அ நிறம் | அளவு

கோவை: கலெக்டர் அலுவலகத்தில் மாவட்ட கண்காணிப்பு அலுவலரும், சென்னை பெருநகர வளர்ச்சி குழும உறுப்பினருமான ராகுல்நாத் தலைமையில் ஆய்வு கூட்டம் நடந்தது. கலெக்டர் பவன்குமார், மாநகராட்சி கமிஷனர் ரவிதேஜா மற்றும் அனைத்து துறை அதிகாரிகள் பங்கேற்றனர்.

கூட்டத்தில் மாநகராட்சியின் ஐந்து மண்டலங்களில் நடந்துவரும் மழைநீர் வடிகால் துார்வாரும் பணிகள் ஆய்வு செய்யப்பட்டன. 2,167 கி.மீ., நீளமுள்ள மழைநீர் வடிகால்களில், 2,038 கி.மீ., துார்வாரப்பட்டுள்ளன.

129.41 கி.மீ., பணிகள் நிலுவையில் உள்ளன. இதன் மூலம் 94.03 சதவீத பணிகள் நிறைவடைந்துள்ளன. அதேபோல், 157.01 கி.மீ., நீளமுள்ள சிறு கால்வாய்களில், 148.19 கி.மீ., துார்வாரப்பட்டு, 94.38 சதவீத பணிகள் முடிக்கப்பட்டுள்ளன.

மழைநீர் தேங்குவது தொடர்பாக அக்., 18 முதல் 25ம் தேதி வரை ஐந்து மண்டலங்களில் 416 புகார்கள் பெறப்பட்டு நடவடிக்கை எடுக்கப்பட்டுள்ளதாக, அதிகாரிகள் தெரிவித்தனர்.

இதுதவிர, மாநகராட்சியின் ஐந்து மண்டலங்களில் மேற்கொள்ளப்படும் பணிகள், சுகாதாரம், பிற்படுத்தப்பட்டோர் நலன், வருவாய் மற்றும் பேரிடர் மேலாண்மை, மின்சாரம் உள்ளிட்ட துறைகளின் திட்டச் செயல்பாடுகள் மற்றும் நிலுவைப் பணிகள் குறித்து ராகுல்நாத் ஆய்வு செய்தார். பணிகளை விரைந்து முடிக்க அறிவுறுத்தினார்.

942 குழந்தைகளுக்கு


மோதிரம் போட்டாச்சு
தாய்மாமன் தங்கமோதிரம் திட்டத்தில், மாவட்டத்தில் இதுவரை 942 குழந்தைகளுக்கு தங்க மோதிரங்கள் வழங்கப்பட்டுள்ளன. கோவை அரசு மருத்துவமனை, பொள்ளாச்சி, மேட்டுப்பாளையம், வால்பாறை அரசு மருத்துவமனைகள் வாயிலாக இத்திட்டம் செயல்படுத்தப்படுகிறது.
அதன்படி, செப்.28 முதல் நவ.7 வரை எடுக்கப்பட்ட கணக்கெடுப்பில், 1,154 குழந்தைகள் மோதிரம் பெற தகுதியானவர்களாக கண்டறியப்பட்டனர். இவர்களில் கோவை அரசு மருத்துவமனையில் 555 பேர், பொள்ளாச்சியில் 245 பேர், மேட்டுப்பாளையத்தில் 136 பேர், வால்பாறையில் 6 பேர் என மொத்தம் 942 குழந்தைகளுக்கு மோதிரங்கள் வழங்கப்பட்டுள்ளன.
நவ.12ம் தேதி ஒரே நாளில் 35 குழந்தைகளுக்கு மோதிரம் வழங்கப்பட்டுள்ளது. இதன் மூலம் 81.6 சதவீத இலக்கு எட்டப்பட்டுள்ளது. மீதமுள்ள 212 குழந்தைகளுக்கும் விரைவில் மோதிரம் வழங்கப்படும் என அதிகாரிகள் தெரிவித்தனர்.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us