துவக்க நிகழ்ச்சி என்பதற்காக நேற்று ஒரு நாள் மட்டும் இட்லி, பொங்கல், வடை, மைசூர்பா வழங்கப்பட்டது.

தொழிலாளர்கள் சிலர் கூறியதாவது:

கண்ணம்மாள், பெரிய கடை வீதி: காலையில் உணவு வழங்குவது நல்லதுதான். டிபன் பாக்ஸில் நிரப்பித்தரும் உணவை 12 மணிக்கு மேல் சாப்பிடுவோம். காலையில் சாப்பிடாமல் பணிக்கு வந்து விடுவோம். இடைப்பட்ட நேரத்தில் பசிக்கும்போது உட்கொள்வோம்.

மாசிலாமணி, போத்தனுார்: வழக்கமாக காலையில் சாப்பிட மாட்டோம். வார்டுக்குள் வேலை பார்த்து விட்டு டீ, வடை சாப்பிடுவோம். மதியம் வீட்டுக்கு வந்து சாப்பிடுவோம். இப்போது வீட்டுக்கு திரும்ப 2.3 0 மணியாகி விடுகிறது.

காலை உணவு பயனுள்ளதாக இருக்கிறது. வார்டு ஆபீசுக்கு கையெழுத்து போட வந்ததும் உணவு தருகின்றனர். 12 - 12.30 மணிக்குள் சாப்பிடுவோம். துவக்கத்தில் இரு நாட்கள் உணவு நன்றாக இருந்தது; போக போக தரமில்லாமல் போனது.

துளசிமணி, ஈஸ்வரன் நகர்: காலையில் உணவு வழங்குவதே சரியாக இருக்கும். ஆரம்பத்தில் கொடுத்தபோது, தரமாக இருந்தது. இப்போது நன்றாக இல்லை. ரவா உப்புமா கட்டி கட்டியாக இருந்தது. பலரும் குப்பையில் வீசி விட்டனர். நல்ல திட்டம்; தொழிலாளர்களை சென்றடைய வேண்டும். பசி போக்கும் உணவை தரமானதாக வழங்க வேண்டும்.