- செந்தில்குமார், இடையர்பாளையம்.

எரிக்கப்படும் குப்பை

ஜி.என்.மில்ஸ், பொன்விழா நகர், ரயில்வே பாதைக்கு அருகிலுள்ள பகுதியில் சிலர் தொடர்ந்து குப்பையை வீசிச்செல்கின்றனர். அடிக்கடி குப்பையை தீ வைத்து எரிப்பதால், கரும்புகை பரவிவருகிறது. ரயில்பாதைக்கு அருகில், ஆபத்தான வகையில் தீ வைத்து எரிப்பதை தடுக்க வேண்டும்.

- ராமமூர்த்தி, ஜி.என். மில்ஸ்.

சாக்கடை அடைப்பு

ராமநாதபுரம், சவுரிபாளையம் பிரிவில் சாக்கடை கால்வாயில் அடைப்பு ஏற்பட்டுள்ளது. சாக்கடை கால்வாயின் சுற்றுச்சுவர் இடிந்த நிலையில் உள்ளது. பிளாஸ்டிக் குப்பை நிரம்பியிருப்பதால், கழிவுநீர் தேங்கி நிற்கிறது. இதனால், அப்பகுதியில் கடும் துர்நாற்றம் ஏற்படுகிறது.

- சக்தி, ராமநாதபுரம்.

குளத்தை மூடிய ஆகாயத்தாமரை

ஸ்மார்ட் சிட்டி திட்டத்தின் கீழ் குளங்கள் மேம்படுத்தப்பட்டாலும், போதிய பராமரிப்பு இல்லை. வாலாங்குளம் முழுவதும் ஆகாயத்தாமரை படர்ந்து காணப்படுகிறது. நீர்நிலை பாதிக்கப்படும் என்பதால். ஆகாயத்தாமரைகளை அகற்ற வேண்டும்.

- ரோகினி, குனியமுத்துார்.

வெள்ளியங்கிரியில் குப்பை

வெள்ளியங்கிரி மலையில், பக்தர்கள் மற்றும் சுற்றுலா பயணிகளால், பிளாஸ்டிக் குப்பை அதிகரித்து வருகிறது. இது, சுற்றுச்சூழலுக்கு மிகவும் கேடாக உள்ளது. இதைக்கட்டுப்படுத்த வனத்துறையினர் மற்றும் அதிகாரிகள் தகுந்த நடவடிக்கை வேண்டும்.

- பாலா, வெள்ளியங்கிரி.

பாலச்சாலையில் விரிசல்

போத்தனுார் ரயில்வே மேம்பால சாலையில், விரிசல்கள் காணப்படுகின்றன. சாலையில் பெரிய, பெரிய விரிசல்கள் இருப்பதால், இருசக்கர வாகன ஓட்டிகள் விபத்தில் சிக்குகின்றனர். பெரும் விபத்துகள் நடக்கும் முன், சாலையை விரைவில் சீர்செய்ய வேண்டும்.

- பாலன், போத்தனுார்.

சேற்றில் மாட்டும் வாகனங்கள்

வெள்ளலுார், தேனீஸ்வர் நகர் பகுதியில், தார் சாலை அமைக்க வலியுறுத்தியும் நடவடிக்கையில்லை. மண் ரோட்டில் மழைநீர் தேங்கி சேறும், சகதியுமாக இருக்கிறது. வாகனங்களின் சக்கரங்கள் அடிக்கடி சேற்றில் மாட்டிக்கொள்கின்றன.

- பாலசுப்பிரமணியன், வெள்ளலுார்.

இடையூறாகும் மரம்

திருச்சி ரோடு, ராமநாதபுரம், எல்.ஜி.பி., காலனியில் கம்பத்தின் மேலே மரம் விழுந்துள்ளது. சாலையோரம் விழுந்துள்ள மரத்தை, ஒரு வாரமாக அகற்றச் சொல்லியும் நடவடிக்கையில்லை. வாகனஓட்டிகளுக்கு சிரமமாக இருப்பதால், மரத்தை அகற்ற வேண்டும்.

- செந்தில்குமார், ராமநாதபுரம்.

கொசுப்புழு உற்பத்தி ஜோர்

கோணவாய்க்கால்பாளையம் மெயின் ரோடு, 85வது வார்டில், புதிய சாக்கடை கால்வாயில் கழிவுநீர் தேங்கி நிற்கிறது. இதில், கொசுப்புழுக்கள் உற்பத்தி அதிகம் உள்ளது. நோய் பரவும் அபாயம் உள்ளது. சீரான இடைவெளியில் சாக்கடையை துார்வார வேண்டும்.

- முத்துக்குமார், 85வது வார்டு.

நாய்களால் தொல்லை

செல்வபுரம் - பேரூர் மெயின் ரோட்டில் இருந்து, மார்ட்டின் அபார்ட்மென்ட் செல்லும் பாதையில், 20க்கும் மேற்பட்ட நாய்கள் சுற்றி வருகின்றன. சாலையில் நடந்து செல்லும் குழந்தைகளை துரத்தி அச்சுறுத்துகின்றன. சைக்கிள், பைக்கில் செல்வோரை நாய்கள் துரத்துகின்றன.

- ஜெயபால், செல்வபுரம்.

தெருவிளக்கு பழுது

கோவை மாநகராட்சி, 38வது வார்டு, பொம்மணாம்பாளையம் பிரிவிலிருந்து, லட்சுமி நகர் ஆர்ச் வரை உள்ள மின்கம்பங்களில், தெருவிளக்குகள் சரிவர எரிவது இல்லை. கடந்த ஒரு வாரமாக தெருவிளக்குகள் எரியாததால், வாகனஓட்டிகள், பாதசாரிகள் மிகுந்த சிரமத்திற்கு உள்ளாகி வருகின்றனர்.

- சண்முகம், பொம்மணாம்பாளையம்.

தொற்றுநோய் அபாயம்

செல்வபுரம், என்.எஸ்.கே.வீதியில், சாக்கடை கால்வாயில் கழிவுநீர் நிரம்பி நிற்கிறது. சுத்தம் செய்த கழிவு சாலையிலேயே போடப்பட்டுள்ளது. சாலையின் இருபுறமும் குப்பையாக உள்ளது. சுகாதாரமற்ற சூழல் நிலவுவதால், தொற்று நோய் பரவும் அபாயம் உள்ளது.

- சங்கர்,

செல்வபுரம்.