மேட்டுப்பாளையம்: மேட்டுப்பாளையம் நகராட்சியில், 140 தனியார் ஒப்பந்தத் தூய்மை பணியாளர்கள் வேலை செய்கின்றனர். இவர்களுக்கு தனியார் நிறுவனம் சம்பளம் கொடுக்கிறது. 2024ம் ஆண்டு சம்பளத்தில் பிடித்தம் செய்த பி.எப்., தொகையை இன்னும் பணியாளர்கள் வங்கி கணக்கில் வரவு வைக்கவில்லை. பலமுறை போராட்டம் செய்தும் பயன் இல்லாததால், துப்புரவு தொழிலாளர் மேம்பாட்டு தொழிற் சங்கத்துடன் இணைந்து, மேட்டுப்பாளையம் நகராட்சியில், ஒப்பந்த தூய்மை பணியாளர்கள், கடந்த 5ம் தேதியில் இருந்து, தொடர் வேலை நிறுத்தத்தில் ஈடுபட்டனர். இதனால் நகரில் தூய்மைப் பணிகள் பாதிப்படைந்தன.