சென்டைஸ் (கோவை, ஈரோடு,நீலகிரி, திருப்பூர் இன்டர் இன்ஜி., விளையாட்டு போட்டிகள்) சார்பில், 13ம் ஆண்டு விளையாட்டு போட்டிகள் கோவையில் நடக்கின்றன.

இதன், மாணவர்கள் பிரிவு கபடி மற்றும் கோ கோ போட்டிகள், ஸ்ரீ ராமகிருஷ்ணா தொழில்நுட்ப கல்லுாரி சார்பில் நேற்று நடந்தது; இன்றும் நடக்கிறது.

போட்டியை கல்லுாரி முதல்வர் பவுல்ராஜ் துவக்கி வைத்தார். ஐ.டி., துறை தலைவர் சுரேஷ்குமார், உடற்கல்வி இயக்குனர் வேலுசாமி ஆகியோர் உடனிருந்தனர்.

கபடி

முதல் போட்டியில், ஸ்ரீ கிருஷ்ணா தொழில்நுட்ப கல்லுாரி அணி 32 - 30 என்ற புள்ளிக்கணக்கில் எஸ்.என்.எஸ்., இன்ஜி., கல்லுாரியையும், இரண்டாம் போட்டியில் ஈரோடு செங்குந்தர் இன்ஜி., கல்லுாரி அணி, 26 - 23 என்ற புள்ளிக்கணக்கில், ஈரோடு நந்தா இன்ஜி., கல்லுாரியையும் வீழ்த்தின.

கோ-கோ

முதல் போட்டியில், பண்ணாரி அம்மன் தொழில்நுட்ப கல்லுாரி அணி 21 - 20 என்ற புள்ளிக்கணக்கில், ராமகிருஷ்ணா தொழில்நுட்ப கல்லுாரி அணியையும், இரண்டாம் போட்டியில் பி.எஸ்.ஜி., டெக் கல்லுாரி அணி 21 - 18 என்ற புள்ளிக்கணக்கில், அரசு தொழில்நுட்ப கல்லுாரி அணியையும், மூன்றாம் போட்டியில், ஸ்ரீ கிருஷ்ணா தொழில்நுட்ப கல்லுாரி அணி 17 - 16 என்ற புள்ளிக்கணக்கில், எஸ்.என்.எஸ்., இன்ஜி., கல்லுாரி அணியையும் வீழ்த்தின.