ரூ.125 செலுத்தி விண்ணப்பம் பெற வேண்டும். வீட்டு உபயோகத்துக்கான இணைப்பு பெறுவதற்கு, 5,000 ரூபாய் வைப்புத்தொகை, 3,000 ரூபாய் சேவை கட்டணம் செலுத்த வேண்டும். இது தவிர, ரோட்டை வெட்டி, குழாய் பதித்து இணைப்பு வழங்குவதற்கான 'சென்டேஜ்' கட்டணம் கட்டட அமைவிடத்துக்கு ஏற்ப தொகை மாறுபடும். வணிக உபயோகத்துக்கான இணைப்பு பெற, வைப்புத்தொகை ரூ.10 ஆயிரம், சேவை கட்டணம் ரூ.7,500 மற்றும் 'சென்டேஜ்' கட்டணம் செலுத்த வேண்டும்.

அங்கீகாரமற்ற மனைப்பிரிவுகளில் கட்டடம் கட்டியிருப்பவர்கள் குடிநீர் இணைப்பு பெறுவதற்கு, அபிவிருத்திக் கட்டணம் செலுத்தியிருக்க வேண்டும் என்கிற நிபந்தனை விதிக்கப்பட்டு இருக்கிறது. அதற்குரிய கட்டணங்களையும் சேர்த்து செலுத்தினால், விண்ணப்பம் பெறப்பட்டு, குடிநீர் இணைப்பு வழங்கப்படும் என, மாநகராட்சி அதிகாரிகள் தெரிவித்தனர்.