வாக்காளர் பட்டியல் சிறப்பு மேற்பார்வையாளர் குல்தீப் நாராயன் தலைமையில் நடந்த கூட்டத்தில் கலெக்டர் பவன்குமார், மாநகராட்சி கமிஷனர் சிவகுரு பிரபாகரன், மாவட்ட ஊரக வளர்ச்சி முகமை கூடுதல் கலெக்டர் சங்கேத் பல்வந்த், கூடுதல் மாவட்ட தேர்தல் அலுவலர்கள் உள்ளிட்டோர் பங்கேற்றனர்.

கூட்டத்தில், வாக்காளர் பட்டியல் சிறப்பு தீவிரத்திருத்த பணிகள், வரைவு வாக்காளர் பட்டியலில் இடம்பெற்ற வாக்காளர்களின் எண்ணிக்கை, நீக்கம் செய்யப்பட்டுள்ள வாக்காளர்களின் விபரம், வாக்குச்சாவடி மறுசீரமைப்பு, கோரிக்கைகள், ஆட்சேபனை காலத்தில் வந்த விண்ணப்பங்கள், தீர்வு நடவடிக்கைகள் குறித்து ஆய்வு செய்யப்பட்டது. நிர்ணயிக்கப்பட்ட காலக்கெடுவிற்குள் வாக்காளர் பட்டியல் தொடர்பான அனைத்து பணிகளையும் முடிக்க அறிவுறுத்தப்பட்டது.