ராம்நகர் கோதண்டராமர் கோவிலில், ஸ்ரீ சங்கரஜெயந்தி வைபவம், இன்று காலை மஹா கணபதி ஹோமத்துடன் துவங்குகிறது. வழக்கமான யாகசாலை பூஜைகளை, தொடர்ந்து ஸ்ரீமத்அபிநவ வித்யா தீர்த்த பிரவசன மண்டபத்தில், ஆதிசங்கரர் திருவுருவம் எழுந்தருளப்படுகிறது, மலர் மாலைகளால் சிறப்பு அலங்காரம் செய்யப்படுகிறது.

மாலை 5:45 மணிக்கு ராம்நகர் திருப்பாவை, திருவெம்பாவை கமிட்டியர் நாமசங்கீர்த்தனங்களை பாராயணம் செய்ய, ஆதிசங்கரர் அலங்கரிக்கப்பட்ட வாகனத்தில் எழுந்தருளுவித்து, மங்களவாத்தியங்கள் முழங்க, ராம்நகர் வீதிகளில் திருவீதி உலா வருகிறார்.

மாலை 6:30 மணிக்கு, ஆச்சார்யா ஸ்ரீ ரங்காஜி மற்றும் ஆச்சார்யா ஸ்ரீமதி சூர்யாப்ரியாஜி ஆகியோர், சங்கரஜெயந்தி சத்சங்கத்தை நிகழ்த்துகின்றனர்.

இதற்கான ஏற்பாடுகளை, ராமர் கோவில் தலைவர் நாகசுப்ரமணியம் மற்றும் அறங்காவலர் குழுவினர் மேற்கொண்டுள்ளனர்.