அண்ணா பல்கலைக்கு உட்பட்ட கல்லுாரிகளுக்கு இடையே ஆண்களுக்கான டேபிள் டென்னிஸ் போட்டி, ஸ்ரீ ராமகிருஷ்ணா தொழில்நுட்ப கல்லுாரியில் நடந்தது. 10க்கும் மேற்பட்ட அணிகள் பங்கேற்ற இப்போட்டியின் முதல் அரையிறுதியில், ஸ்ரீ ராமகிருஷ்ணா தொழில்நுட்ப கல்லுாரி அணி, 2-1 என்ற செட் கணக்கில், டாக்டர் மகாலிங்கம் இன்ஜி., கல்லுாரி அணியை வென்றது.

இரண்டாவது அரையிறுதியில், இந்துஸ்தான் இன்ஜி., கல்லுாரி அணி, 2-1 என்ற செட் கணக்கில் ஸ்ரீ கிருஷ்ணா தொழில்நுட்ப கல்லுாரி அணியை வென்று இறுதிப்போட்டிக்கு தகுதி பெற்றன.

இறுதிப்போட்டியில், இந்துஸ்தான் கல்லுாரி அணி, 2-1 என்ற செட் கணக்கில் ஸ்ரீ ராமகிருஷ்ணா தொழில்நுட்ப கல்லுாரி அணியை வென்று, முதலிடம் பிடித்தது. வெற்றி பெற்றவர்களுக்கு, பரிசுகள் வழங்கப்பட்டன.