மாநகராட்சி வடக்கு மண்டலத்துக்கு உட்பட்ட பீளமேடு, ஹட்கோ காலனி பகுதியில் காஸ் சிலிண்டர் ஏற்றிய லாரி நேற்று மாலை சென்று கொண்டிருந்தது. அப்போது, ரோட்டின் இடது புறமாக, பில்லுார்-3 குடிநீர் திட்டத்துக்காக குடிநீர் குழாய் பதிக்கப்பட்ட இடத்தில், லாரியின் முன் சக்கரம் சிக்கிக்கொண்டது. லாரியை மீட்கும் பணி நேற்று நடந்தது. இதனால், சிறிது நேரம் போக்குவரத்து பாதிப்பு ஏற்பட்டது.

மாநகராட்சி அதிகாரிகள் கூறுகையில், 'ஹட்கோ காலனியில் இருந்து கருப்பண்ண கவுண்டர் லே-அவுட் பகுதியில் உள்ள குடிநீர் தேக்க தொட்டிக்கு, பில்லுார்-3 குடிநீர் திட்ட குழாய் பதிக்கும் பணி சமீபத்தில்தான் முடிந்தது. ரோட்டின் ஓரம் குழி தோண்டப்பட்ட இடத்தில், 'வெட் மிக்ஸ்' போட்டு நான்கு நாட்களே ஆனதால், காஸ் சிலிண்டர் ஏற்றி வந்த லாரி சிக்கிக்கொண்டது' என்றனர்.