இதையடுத்து அப்பெண், பல்வேறு தவணைகளாக, ரூ.10 லட்சத்தை முதலீடு செய்தார். ஆனால், அந்நபர் கூறியது போல் லாபம் மற்றும் அசலை தரவில்லை. இதுகுறித்து அப்பெண் கோவை மாநகர சைபர் கிரைம் போலீசாரிடம் புகார் அளித்தார். வழக்கு பதிந்த போலீசார் விசாரித்தனர். விசாரணையில் திருவள்ளூரை சேர்ந்த ராஜூ, 41, முகமது அனீப், 44, அவர் மனைவி அன்னு, 34 ஆகிய மூவரும் ஈடுபட்டது தெரிந்தது. இவர்கள் தென்காசி, திருச்சி, கன்னியாகுமரி, நாமக்கல் மற்றும் ஆந்திரா உள்ளிட்ட பல்வேறு இடங்களில், ஏராளமானோரிடம் லட்சக்கணக்கில் மோசடியில் ஈடுபட்டது தெரிந்தது.

இந்நிலையில், இவர்களை தென்காசி சைபர் கிரைம் போலீசார் கைது செய்தனர். இதையடுத்து தென்காசிக்கு சென்ற சைபர் கிரைம் போலீசார் அவர்களை கோவைக்கு அழைத்து வந்து சிறையில் அடைத்தனர்.