அதோடு, ஊராட்சியில் உள்ள தூய்மை பணியாளர்களுக்கு சால்வை அணிவித்து, கேடயம் வழங்கி கவுரவித்தார். இதில், கூடுதல் கலெக்டர் சங்கீத் பல்வந்த் வாகே மற்றும் அதிகாரிகள், பொதுமக்கள் பலர் கலந்து கொண்டனர்.

இக்கூட்டத்தில் கலெக்டர் பேசுகையில், தொண்டாமுத்தூர் வட்டார பகுதியில், எப்பொழுதும் மழை பெய்கிறது. மழை காலத்தில், டெங்கு காய்ச்சல் அதிகம் பரவும். எனவே, பொதுமக்கள் வீட்டின் வெளியே தண்ணீர் தேங்காமல் வைத்துகொள்ள வேண்டும்.

ஊராட்சிகளில், பொதுமக்களுக்கு தேவையான அனைத்து வசதிகளும் ஏற்படுத்தப்பட்டு வருகிறது. குடிநீர், தார்சாலை, தெருவிளக்கு ஆகிய பணிகளும் தொடர்ந்து மேற்கொள்ளப்பட்டு வருகின்றன, என்றார்.