கோவை மாவட்டத்தில் உள்ள 10 சட்டசபை தொகுதிகளுக்கான வரைவு வாக்காளர் பட்டியலில், 6.5 லட்சம் பேர் நீக்கப்பட்ட பின், 25,74,608 வாக்காளர்கள் இடம் பெற்றிருக்கின்றனர்.

தேர்தல் பிரிவினர் கூறியதாவது:

பெயர் விடுபட்டவர்கள், புதிதாக சேர்க்க விரும்புவோர், 18 வயது பூர்த்தி அடைந்தவர்களுக்கு, படிவம் 6 உடன், உறுதிமொழி படிவம் வழங்கப்படுகிறது. தந்தை, தாய் மற்றும் முந்தைய திருத்தப் பணியின் போது வாக்காளரின் உறவினரை பற்றிய தகவல் கோரப்படுகிறது. முக்கியமாக மூன்று நிபந்தனைகள் விதிக்கப்பட்டுள்ளன. வேறெந்த நாட்டிலும் குடியுரிமை பெறவில்லை. படிவம் 6 மூலம் பட்டியலில் பெயர் சேர்க்க விண்ணப்பிக்கும் எனது பெயர், வேறு சட்டசபை, லோக்சபா தொகுதிகளில் இடம் பெறவில்லை.

'தவறான தகவல்களை அளித்திருந்தால், மக்கள் பிரதிநிதித்துவச் சட்டம் 1950 (1950-ன் 43) பிரிவு 31 கீழ் ஓராண்டு வரை சிறை தண்டனை அல்லது அபராதம் அல்லது இரண்டும் விதிக்கப்படலாம் என்பதை அறிவேன்' என்கிற உறுதிமொழி அளித்து, கையெழுத்திட்டுக் கொடுக்க வேண்டும்.

இவ்வாறு, அவர்கள் தெரிவித்தனர்.