கோவை: இன்று 18 மையங்களில் நடக்கும் முதுநிலை மருத்துவ படிப்புக்கான ‘நீட்’ தேர்வில், 4,393 தேர்வர்கள் பங்கேற்கின்றனர். காலை 9 முதல் மதியம் 12.30 வரை தேர்வு நடக்கிறது. காலை 7 மணி முதல் தேர்வர்கள் தேர்வு மையங்களுக்குள் செல்ல அனுமதிக்கப்படுவர். மாவட்ட நிர்வாகம் சார்பில் பாதுகாப்பு, போக்குவரத்து, தடையற்ற மின்சாரம், அவசர மருத்துவ உதவி உள்ளிட்ட முன்னேற்பாடுகள் செய்யப்பட்டுள்ளன.