வழக்குப்பதிவு செய்த போலீசார், குற்றவாளிகளை தேடி வந்தனர். அன்னூர் ரோட்டில் உள்ள தொழிற்பேட்டை அருகே, நேற்று வாகன சோதனை செய்தபோது, அவ்வழியே வந்த இருவரை நிறுத்தி விசாரித்தனர்.

முன்னுக்குப்பின் முரணாக பதில் அளித்து, தப்ப முயன்ற அவர்களில் ஒருவர் கீழே விழுந்து, கை முறிந்தது. இருவரிடம் விசாரித்ததில், கண்ணன், அபிலாஷ் என்பதும், மூதாட்டியிடம் செயின் பறித்தவர்கள் என்பதும் தெரிந்தது. இருவரையும் போலீசார் கைது செய்து விசாரிக்கின்றனர்.