கிணத்துக்கடவு தினசரி மார்க்கெட்டில் காய்கறிகள் ஏல முறையில் விற்பனை செய்யப்படுகிறது. கேரள மாநில வியாபாரிகள் வருகை உள்ளதால், விலை அதிகம் கிடைக்கிறது. அதனால், விவசாயிகள் இங்கு விளைபொருட்களை கொண்டு வர ஆர்வம் காட்டுகின்றனர்.

மார்க்கெட்டில், தக்காளி (15 கிலோ) பெட்டி - 250, ஒரு தேங்காய் -- - 23, கத்தரிக்காய் கிலோ -- 30, வெண்டைக்காய் --- 40, முள்ளங்கி --- 25, வெள்ளரிக்காய் --- 22, பூசணிக்காய் --- 15, அரசாணிக்காய் --- 12, பாகற்காய் --- 40, புடலை --- 30, சுரைக்காய் --- 20, பீர்க்கன்காய் -- 60, பீட்ரூட் --- 30, அவரைக்காய் --- 55, பச்சை மிளகாய் --- 60 ரூபாய்க்கு விற்பனை ஆனது.

கடந்த வாரத்தை விட, தற்போது தக்காளி (பெட்டி) -- 30, ஒரு தேங்காய் --- 3, கத்தரிக்காய் மற்றும் வெண்டைக்காய்- கிலோ - 10, பூசணிக்காய் மற்றும் பாகற்காய் -- 5 ரூபாய் விலை அதிகரித்துள்ளது. முள்ளங்கி கிலோ -- 8, வெள்ளரிக்காய் மற்றும் சுரைக்காய் --- 10, அரசாணிக்காய் --- 3, பீட்ரூட் --- 15 ரூபாய் விலை குறைந்துள்ளது.

வியாபாரிகள் கூறுகையில், 'இந்த வாரமும் மார்க்கெட்டில் முருங்கைக்காய் வரத்து இல்லை. பொங்கல் பண்டிகையையொட்டி காய்கள் விலை மேலும் அதிகரிக்க வாய்ப்புள்ளது. விலை உயர்வால், விவசாயிகள் மகிழ்ச்சியடைந்துள்ளனர்,' என்றனர்.