கோவை வருவாய் மாவட்ட அளவிலான 'ஜிம்னாஸ்டிக்' போட்டி, நேரு ஸ்டேடியத்தில் கடந்த வாரம் நடந்தது. இதில், வெள்ளியங்காடு அரசு மேல்நிலைப்பள்ளி மாணவ, மாணவியர், 30க்கும் மேற்பட்டோர் பங்கேற்று, திறமையை வெளிப்படுத்தினர்.

19 வயதுக்கு உட்பட்ட மாணவர்கள் பிரிவில், இப்பள்ளி மாணவர்கள் முதல் மூன்று இடங்களை பிடித்தனர். இதேபோல், மாணவியருக்கான, 19 வயதுக்கு உட்பட்டோர் பிரிவில், இரண்டு மற்றும் மூன்றாம் இடங்களை வென்றனர்.

குழு போட்டியில் மாணவர்கள் மற்றும் மாணவியர் பிரிவில், இரண்டாம் இடத்தை பெற்று, பள்ளிக்கு பெருமை சேர்த்துள்ளனர்.

இம்மாணவர்கள், சென்னையில் மாநில அளவில் நடைபெறும் போட்டிக்கு தகுதி பெற்றுள்ளனர். வெற்றி பெற்ற மாணவர்களையும், ஊக்குவித்த உடற்கல்வி ஆசிரியர்கள் ராஜ்குமார், தனுஷியா ஆகியோரையும், பள்ளி தலைமை ஆசிரியர் சாக்ரடிஸ் குலசேகரன், ஆசிரியர்கள், பெற்றோர் பாராட்டினர்.