- மோகன்:

சேதமடைந்த இருக்கை

கிணத்துக்கடவு, சோழனூர் பயணியர் நிழற்கூரையில், அமரும் இருக்கை சேதமடைந்துள்ளது. இதனால் பயணியர் அமர முடியாமல், திறந்தவெளியில் நீண்ட நேரம் காத்திருக்கின்றனர். மழை, வெயில் காலத்தில் சிரமப்படுகின்றனர். எனவே, பயணியர் நலன் கருதி இருக்கையை விரைவில் சீரமைக்க வேண்டும்.

- பெருமாள்:

வீணாகும் அறிவிப்பு பலகை

நெகமம், ஆண்டிபாளையத்தில் ரோட்டோரம் சேதமடைந்த அறிவிப்பு பலகை நீண்ட நாட்களாக குப்பை போன்று கிடப்பில் போடப்பட்டுள்ளது. இதை ரோட்டின் முக்கிய இடத்தில் வைக்க நெடுஞ்சாலைத்துறை நடவடிக்கை எடுக்க வேண்டும்.

-- கணேஷ்:

ரோட்டோரத்தில் குப்பை

பொள்ளாச்சி -- பல்லடம் ரோடு விஜயபுரம் அருகே, ரோட்டோரம் குப்பை கொட்டியும், அசுத்தம் செய்தும் வருகின்றனர். இதனால், அவ்வழியாக செல்பவர்கள் முகம் சுழிக்கும் நிலை உள்ளது. பொது சுகாதாரம் கடுமையாக பாதிக்கப்பட்டுள்ளது. இதை தவிர்க்க அதிகாரிகள் நடவடிக்கை எடுக்க வேண்டும்.

-- டேவிட்:

பள்ளி அருகே புதர்

நெகமம், ஆண்டிபாளையம் அரசு பள்ளி சுற்று சுவர் அருகில் அதிகளவில் செடி, கொடிகள் முளைத்துள்ளது. இதனால், அங்கு விஷஜந்துக்கள் இருக்க வாய்ப்புள்ளது. எனவே, மாணவர்கள் நலன் கருதி ஊராட்சி நிர்வாகம் சார்பில் புதரை அகற்றம் செய்ய வேண்டும்.

-- ராஜ்குமார்:

நெடுஞ்சாலையில் வாகனங்கள் நிறுத்தம்

உடுமலை - பழநி ரோட்டில் தேசிய நெடுஞ்சாலையோரம் வாகனங்கள் நிறுத்தப்படுகிறது. இதனால், அந்த ரோட்டில் பிற வாகனங்கள் செல்ல முடியாத நிலை ஏற்படுகிறது. போக்குவரத்து நெரிசலும் ஏற்படுகிறது. இதுகுறித்து போலீசார் நடவடிக்கை எடுக்க வேண்டும்.

- கணேசன்:

சுரங்கப்பாதை சேதம்

உடுமலை தளி ரோடு ரயில்வே சுரங்கப்பாதை ரோடு, குண்டும், குழியுமாக சேதமடைந்து காணப்படுகிறது. இதனால், வாகனங்கள் செல்வதில் சிரமம் ஏற்படுகிறது. மழைநீரும் அதில் தேங்கி விடுகிறது. இதை சீரமைக்க ரயில்வே அதிகாரிகள் நடவடிக்கை எடுக்க வேண்டும்.

- முருகன்:

நிழற்கூரை வேண்டும்

போடிபட்டி முருகன் கோவில் ஸ்டாப்பில், நிழற்கூரை இல்லை. இதனால் அங்கு பயணியர் திறந்தவெளியில் வெயிலில் நின்று பஸ் ஏற வேண்டிய நிலை ஏற்படுகிறது. எனவே, அங்கு நிழற்கூரை அமைக்க ஊராட்சி நிர்வாகத்தினர் நடவடிக்கை எடுக்க வேண்டும்.

- சாமியப்பன்:

கழிவுகளை அகற்றுங்க

உடுமலை செங்குளம் கரையில், குப்பை, மற்றும் கட்டட கழிவுகளை கொட்டுகின்றனர். இதனால், அந்த பகுதியில் துர்நாற்றம் வீசுகிறது. சுற்றுச்சூழலும் மாசுபடுகிறது. எனவே, அங்கு குப்பை கொட்டுவோர் மீது பொதுப்பணித்துறையினர் நடவடிக்கை எடுக்க வேண்டும்.

- பாஸ்கர்:

திறக்கப்படாத கழிப்பிடம்

உடுமலை புது பஸ் ஸ்டாண்ட் கழிப்பிடம் கட்டியும் திறக்கப்படமால் உள்ளது. இதனால், அங்கு பஸ் ஏற வரும் பயணியர் பாதிக்கப்படுகின்றனர். எனவே, கழிப்பிடத்தை திறக்க நகராட்சி அதிகாரிகள் நடவடிக்கை எடுக்க வேண்டும்.

- சுரேஷ்:

விதிமீறும் வாகனங்கள்

உடுமலை கச்சேரி வீதியில் போக்குவரத்திற்கு இடையூறாக, நோ பார்க்கிங்கில் நான்கு சக்கர வாகனங்கள் நிறுத்தப்பட்டுள்ளன. இதனால், அந்த ரோட்டில் போக்குவரத்து பாதிக்கப்படுகிறது. விதிமீறும் வாகனங்கள் மீது போலீசார் நடவடிக்கை எடுக்க வேண்டும்.

- குமார்: