அதன்பின், வேறு பஸ்சில் கிணத்துக்கடவு வந்தார். மேலும், இந்த சம்பவம் குறித்து ஆட்டோ ஓட்டுநர்களிடம் தெரிவித்தார். இதைத்தொடர்ந்து அந்த தனியார் பஸ்சை இரவு நேரத்தில் கிணத்துக்கடவு பழைய பஸ் ஸ்டாப் பகுதியில் ஆட்டோ ஓட்டுநர்கள் வழிமறித்து வாக்குவாதத்தில் ஈடுபட்டனர். இதைத்தொடர்ந்து இரு தரப்பினரும் போலீஸ் ஸ்டேஷனுக்கு சென்றனர்.

இதில், தனியார் பஸ் தரப்பில் இனிமேல் இதுபோன்று நடக்காது என, உறுதி அளித்ததை தொடர்ந்து அனைவரும் கலைந்து சென்றனர்.

பொதுமக்கள் கூறியதாவது:

கிணத்துக்கடவில் தனியார் பஸ் நிறுத்துவது குறைந்து வருகிறது. இதை தடுக்க, ஆர்.டி.ஓ., சார்பில் கிணத்துக்கடவு மேம்பாலம் துவங்கும் மற்றும் முடியும் இடத்தில் அறிவிப்பு வைத்திருந்தும், அதை மதிக்காமல் தனியார் பஸ் ஓட்டுநர்கள் செயல்படுகின்றனர். மக்கள் தனியார் பஸ்சை தடுத்து நிறுத்தினாலும், போலீஸ் மற்றும் ஆர்.டி.ஓ., ஆபீசில் புகார் அளித்தும் பயனில்லாமல் போகிறது. இதைத் தவிர்க்க விதி மீறும் பஸ்சின் உரிமையை ரத்து செய்ய வேண்டும். இவ்வாறு, கூறினர்.