இங்குள்ள, 6ம் நெம்பர் தேயிலை காட்டில் மின்கம்பம் சாய்ந்த நிலையில் உள்ளது. இதனால் தொழிலாளர்களின் பாதுகாப்பு கேள்விக்குறியாக மாறியுள்ளது.

தொழிலாளர்கள் கூறியதாவது:

தேயிலை எஸ்டேட்டின் மத்தியில், உயர் மின்அழுத்த மின்கம்பம் சாய்ந்த நிலையில் உள்ளது. வால்பாறையில் தற்போது பலத்த காற்று வீசும் நிலையில், மின்கம்பம் எப்போது வேண்டுமானாலும் விழும் நிலையில் உள்ளது. இதனால், தொழிலாளர்களுக்கு போதிய பாதுகாப்பில்லாத நிலை உள்ளது.

ஏற்கனவே வனவிலங்குகள் நடமாட்டத்தால் தொழிலாளர்கள் அவதிக்குள்ளாகி வரும் நிலையில், மின்கம்பம் விழும் நிலையில் உள்ளதால், நடந்து செல்லவே அச்சப்படுகின்றனர். மின்கம்பம் சாய்ந்து அசம்பாவிதம் ஏற்படுவதற்குள் உடனடியாக நடவடிக்கை எடுக்க வேண்டும். இவ்வாறு, கூறினர்.