இதனால் இப்பகுதி மக்கள் இங்கிருந்து, 10 கி.மீ., துாரமுள்ள கணபதிகுறிச்சி மற்றும் பெண்ணாடம் ஆரம்ப சுகாதார நிலையங்களுக்கு சிகிச்சைக்காக செல்ல வேண்டிய அவலம் ஏற்பட்டதால் பெண்கள், முதியோர் மிகுந்த சிரமம் அடைந்தனர்.

அதைத்தொடர்ந்து, கடந்தாண்டு 3 லட்சம் ரூபாய் நிதியில் துணை சுகாதார நிலையம் கட்டும் பணிகள் துவங்கி, 5 மாதங்களுக்கு முன் மின் இணைப்பு தவிர மற்ற பணிகள் நிறைவடைந்தது. 2 மாதங்களுக்கு முன் நல்லுார் ஒன்றிய அதிகாரிகளும் துணை சுகாதார நிலையத்தை கிராம மக்கள் பயன்பாட்டிற்கு திறந்து வைத்தனர். ஆனால் செவிலியர்கள் யாரும் வராமல் துணை சுகாதார நிலையம் பூட்டியே கிடக்கிறது. சமூக விரோதிகள் துணை சுகாதார நிலையத்தில் உள்ள சுவிட்ச் பாக்சை உடைத்து சேதப்படுத்தி வருகின்றனர்.

எனவே, மாவட்ட நிர்வாகம், சுகாதாரத்துறை அதிகாரிகள் ஆய்வு செய்து துணை சுகாதார நிலையத்தை பயன்பாட்டிற்கு கொண்டுவர நடவடிக்கை எடுக்க வேண்டும்.