புதுச்சேரி - கடலுார் சாலையில் கிருமாம்பாக்கம் தனியார் பொறியியல் கல்லுாரி பஸ் நிறுத்தத்தில் நின்றிருந்த தனியார் பஸ், திடீரென கன்டெய்னர் லாரியை முந்தி செல்ல முயன்றது. திடுக்கிட்ட கன்டெய்னர் டிரைவர், 'பிரேக்' அடித்தார்.

அப்போது, பின்னால் வந்த போலீஸ் பாதுகாப்பு வாகனம் 'டெம்போ டிராவலர்' எதிர்பாராத விதமாக, கன்டெய்னர் லாரியின் பின்னால் மோதியது. அதற்கு பின்னால் வந்த மற்றொரு கார், டெம்போ டிராவலர் வேனின் பின்னால் மோதியது.

இந்த விபத்தில் டெம்போ டிராவலரில் பயணித்த காரைக்காலை சேர்ந்த சப் - இன்ஸ்பெக்டர் முருகானந்தம் மற்றும் போலீசார், காரில் வந்த மயிலாடுதுறையை சேர்ந்த ஒரு பெண்ணும் லேசான காயமடைந்தனர்.

கிருமாம்பாக்கம் போக்குவரத்து போலீசார் விரைந்து சென்று, விபத்தில் சிக்கிய வாகனங்களை மீட்டனர். கன்டெய்னர் லாரிக்கு பெரிய அளவில் சேதம் இல்லாததால் மீண்டும் புறப்பட்டு சென்றது. முதலுதவிக்கு பின், போலீசார், மாற்று வாகனத்தில் கன்டெய்னர் லாரியை பின் தொடர்ந்தனர்.

கிருமாம்பாக்கம் போக்குவரத்து போலீசார் விசாரிக்கின்றனர்.