ராமநத்தம் சப்இன்ஸ்பெக்டர் கோபிநாத் மற்றும் போலீசார் நேற்று காலை ரோந்து பணியில் ஈடுபட்டிருந்தனர். அப்போது மா.புடையூரைச் சேர்ந்த தண்டபாணி,61, என்பவர் அவரது வீட்டின் முன்பு கள்ளத்தனமாக அரசு மதுபாட்டில்களை விற்றுக்கொண்டிருந்தார். அவரை கையும், களவுமாக பிடித்த போலீசார் அவரிடமிருந்து 400ரூபாய் ரொக்கம் மற்றும் 28மதுபாட்டில்களை பறிமுதல் செய்தனர். இதுகுறித்து ராமநத்தம் போலீசார் வழக்குப்பதிந்து, தண்டபாணியை கைது செய்து விசாரிக்கின்றனர்.