பெண்ணாடம், சவுந்திரசோழபுரம் சாலையைச் சேர்ந்தவர் இளங்கோவன், 70. ஓய்வுபெற்ற ஆசிரியர். இவர், நேற்று முன்தினம் இரவு தனது மனைவி, மகனுடன் அருகிலுள்ள மற்றொரு வீட்டில் துாங்கச் சென்றார்.

நேற்று காலை 7:00 மணியளவில் வந்து பார்த்தபோது, வீட்டின் முன்பக்க கதவின் பூட்டு, உடைக்கப்பட்டு, திறந்து கிடந்தது கண்டு அதிர்ச்சியடைந்தார்.

உள்ளே சென்று பார்த்தபோது, வீட்டில் இருந்த 4 ஆயிரம் பணம் திருடுபோனது தெரிந்தது.

புகாரின்பேரில், பெண்ணாடம் போலீசார் வழக்கு பதிந்து மர்ம நபர்களை தேடி வருகின்றனர். குடியிருப்புகள் அதிகம் உள்ள பகுதியில் நடந்த இச்சம்பவம் அப்பகுதி மக்களிடையே அச்சத்தை ஏற்படுத்தி உள்ளது.