புதுச்சத்திரம் அடுத்த பெரியாண்டிக்குழி பாலமுருகன் கோவிலில் ஆண்டுதோறும் ஐப்பசி மாதம் சத்ரு சம்ஹார யாகம் நடப்பது வழக்கம். அதையொட்டி நேற்று காலை 10:00 மணிக்கு அனுக்ஞை, விக்னேஸ்வர பூஜை, 11:00 மணிக்கு சத்ரு சம்ஹார திரிவேதி, சுதர்சன பூஜை, புத்ரகாமகோடி அர்ச்சனை, 12:00 மணிக்கு காயத்ரி மூல மந்திரம், பழங்கள், பட்சணங்கள், பட்டு வஸ்திர ஹோமம், 3:00 மணிக்கு மகா தீபாராதனை நடந்தது. ஏராளமான பக்தர்கள் தரிசனம் செய்தனர். ஏற்பாடுகளை கோவில் நிர்வாகிகள், கிராம மக்கள் செய்திருந்தனர்.